Tokante Stichting Friends of Mount Pleasant (FOMP)

Mount Pleasant Kòrsòu ta e kas di Family Centre, Curaçao Youth Care i Stichting Friends of Mount Pleasant. Riba e seru aki varios trabòu ta tuma lugá pa duna kuido i formashon (sosio-) spiritual, kuido emoshonal, i formashon den diferente aspekto praktiko di bida pa yuda e individuo krese i bira un mihó vershon di su mes. Mas aleu trabounan ta wòrdu hasi tambe pa dentro di posibilidatnan disponibel, alivia nesesidatnan material i fisiko di miembronan di nos komunidat; nos ta sirbi for di mucha te ansiano. Tur e trabòunan aki ta tuma lugá riba un base boluntario i finansas ta klave pa por alkansá e trabounan aki. 

Stichting Friends of Mount Pleasant abreviá Stichting FOMP of Fundashon FOMP, a wordu establesé ku e meta pa rekòuda fondonan pa por logra e varios meta i trabòunan ku ta tuma lugá riba e “seru” Mount Pleasant. Nos ta rekouda fondo entre otro door di organisa varios aktividatnan ku ta brinda un servisio of produkto, pero ku alaves ta trese entrada pa mas trabounan por keda realisá. Mas aleu tur persona ku ke kopera i ta identifika nan mes ku nos trabòunan, por hasi donashón na nos fundashon.

Nos fundashon ta konta ku un direktiva diario i pa trabounan den vèlt varios buluntarionan ku ta duna un man.